Конфессиялар билан ишлаш бўлими ходимларининг функционал вазифалари

Конфессиялар билан ишлаш бўлими ходимларининг функционал вазифалари

 

I. Бўлим бошлиғининг асосий функционал вазифалари

 

Бўлим бошлиғи бўлимга раҳбарлик қилади ҳамда бўлим фаолиятининг юритилишини таъминлайди.

Республикада жойлашган диний ташкилотлар билан мустаҳкам ўзаро ҳамкорлик қилиш, турли диний конфессиялар фаолиятининг амалга оширилишида ёрдам кўрсатиш, жамиятда динлараро ва миллатлараро тинчлик ва тотувликни таъминлаш юзасидан таклифлар ва чора-тадбирларни биргаликда ишлаб чиқиш, конфессиялараро мулоқот маданиятини ривожлантиришни таъминлайди;

маҳаллий давлат ҳокимияти органлари билан биргаликда виждон эркинлиги ва диний ташкилотлар тўғрисидаги қонун ҳужжатларига мувофиқ диний масалаларни ҳал қилиш, давлат органларининг республика ҳудудида жойлашган диний ташкилотлар билан ўзаро алоқаси ва ҳамкорлигини таъминлаш ҳамда қонун ҳужжатларида белгиланган тартибда рўйхатдан ўтказилган диний ташкилотлар манфаатларини акс эттириш бўйича фаолиятни олиб боради.

диний ташкилотлар, шунингдек, хорижий диний ташкилотлар билан ўзаро муносабатларга доир диний масалалар бўйича иш олиб боради, диний ташкилотлар илтимосига кўра уларнинг давлат органлари билан ўзаро алоқаларига кўмаклашади ва ҳал этилиши талаб қилинадиган масалалар бўйича зарур ёрдам кўрсатади, виждон эркинлиги ва диний ташкилотлар фаолиятига тааллуқли норматив-ҳуқуқий ҳужжатлар лойиҳаларини ишлаб чиқишда қатнашади, халқаро анжуманлар ўтказилишини ташкил қилади, республикада чиқариладиган ёки чет эллардан келтириладиган диний тусдаги маҳсулотларнинг экспертизадан ўтказилишида иштирок этади.

тегишли ташкилот ва идоралар, шунингдек, маҳаллий давлат ҳокимияти органларидан ўз фаолияти учун зарур бўлган маълумотларни сўраш ва олиш ҳамда диний ташкилотлар раҳбарларидан зарур ахборотларни белгиланган тартибда талаб қилиш, шунингдек, улар томонидан ўтказиладиган уларнинг ўз фаолияти билан боғлиқ тадбирларда қатнашади;

II. Бўлим бош мутахассисининг асосий функционал вазифалари

 

Республикада жойлашган диний ташкилотлар тўғрисида маълумотлар тўплаш, уларнинг кундалик фаолиятларини билан танишиб бориш, фаолиятда юзага келадиган муаммо ва масалаларнинг ечимини топишда ҳамкорлик қилади;

маҳаллий давлат ҳокимияти органлари билан биргаликда фаолиятни амалга оширади;

диний ташкилотларнинг хорижий мамлакатлардаги тенгдош диний ташкилотлар билан алоқаларини таъминлашда кўмак кўрсатади;

виждон эркинлиги ва диний ташкилотлар фаолиятига тааллуқли норматив-ҳуқуқий ҳужжатлар лойиҳаларини ишлаб чиқишда қатнашади, республикада чиқариладиган ёки чет эллардан келтириладиган диний тусдаги маҳсулотларнинг экспертизадан ўтказилишида иштирок этади;

тегишли ташкилот ва идоралар, шунингдек, маҳаллий давлат ҳокимияти органларидан ўз фаолияти учун зарур бўлган маълумотларни сўраш ва олиш ҳамда диний ташкилотлар раҳбарларидан зарур ахборотларни белгиланган тартибда талаб қилади;

раҳбарият ва бўлим бошлиғининг топшириқларининг бажарилишини таъминлайди.